ОКМКда 101,7 миллион долларлик маҳсулотлар экспорт қилинди
ОКМКда жорий йилнинг биринчи чорагида ишлаб чиқарилган маҳсулотлар экспорти бўйича белгиланган кўрсаткичлар ортиғи билан бажарилди.
Жумладан, жорий йилнинг январь-март ҳолатига кўра, экспорт прогнози 105,4 фоизга бажарилиб, 101 735 000 долларлик маҳсулотлар экспорти амалга оширилган. Маҳсулотлар кесимида оладиган бўлсак хорижий истеъмолчиларга мис катоди, мис катанкаси, рух, рух купороси, мис купороси, кадмий, техник теллур каби маҳсулотлар юборилган.
Маълумот учун: йилдан йилга ОКМК экспорт географияси кенгайиб бормоқда. Ҳозирда комбинат маҳсулотлари 19 та давлатга экспорт қилинмоқда. 2024 йилда бир қатор янги бозорлар ўзлаштирилди. Жумладан, Гвинея, Сенегал, Сербия, Жанубий Африка Республикаси, Португалия каби давлатларга мис катанкаси ва мис купороси экспорти амалга оширилди.
ОКМК Ахборот хизмати