Футбол бўйича Ўзбекистон Суперлигасининг 12-турида «ОКМК» ва «Пахтакор», «Бунёдкор» ҳамда «Олимпик» клублари ўзаро рақобатлашди.

«ОКМК» спорт мажмуасида ўтказилган баҳсда «ОКМК» 4:2 ҳисобида «Пахтакор»дан устун келди ва 23 очко жамғарган ҳолда мусобақа жадвалининг биринчи ўрнини янада мустаҳкамлади. «Пахтакор» эса олтинчи поғонада 16 очко билан қолди. Тошкентда ўтказилган «Бунёдкор» – «Олимпик« учрашувида 1:1 ҳисоби қайд этилди. Шу тариқа, «Бунёдкор» 8 очко билан 13, «Олимпик» эса 13 очко билан 9-поғонадан жой олди.

Бугун, 22 июнь куни Суперлиганинг 12-тури якунланади. Мазкур турнинг сўнгги баҳслари «Динамо» – «Андижон», «Локомотив» – «Сўғдиёна» жамоалари ўртасида ўтади. Ушбу ўйинлар маҳаллий вақт билан соат 20:00 да бошланади.  

Жавоҳир Тошхўжаев,

ЎзА