Бувайда туманининг “Бегобод” МФЙда истиқомат қилувчи Давлат Абдуллаев паррандачилик билан шуғулланмоқчи бўлди.

–Мен Франция тараққиёт агентлиги узоқ муддатли имтиёли кредитлар ажратаётгани ҳақида эшитгандим, – дейди Давлат Абдуллаев. – Шунинг учун унинг Фарғона вилоятидаги вакилига бу ҳақда мурожаат қилдим. Менга 3,2 млрд сўм кредит маблағи ажратдилар.

Оилавий корхона кутилмаганда таклиф этилган имкониятдан самарали фойдаланди. “MMM Golden Chiken 2022” корхонаси қиймати 4,5 млрд сўм бўлган лойиҳани амалга оширишга киришди. Энди бу оилавий корхонада 27 минг бош товуқ боқилмоқда. Корхона йилига 8 млн. донадан ортиқ тухум етиштира олади. 

–Айни кунларда 2026 йил учун чорвачилик лойиҳаларини шакллантириш ишларига киришилди. Бунинг учун “Манзилли дастур” ишлаб чиқилди.
–2026 йилда тижорат банкларидан имтиёзли кредит олган ҳолда чорвачилик, паррандачилик, асаларичилик, балиқчилик, қуёнчилик, қўйчилик, сут ва гўшт маҳсулотларини қайта ишлаш йўналишида инвестиция лойиҳаларини амалга оширмоқчи бўлган тадбиркор-фермерлар энди Франция тараққиёт агентлиги имтиёзли кредитларидан фойдаланиши мумкин, –дейди Агентликнинг Фарғона вилоятидаги координатори Санжарбек Эргашев.

Муҳаммаджон Обидов, ЎзА