Сурхондарё вилояти Термиз тумани Гулбаҳор маҳалласида яшовчи Шодигул Норчаева саховатли қалб эгаларидан.

Шодигул опа ўғли ва келини билан Москва шаҳрида меҳнат қилиб юрган кезлари тўрт нафар ватандош бола ота-онасидан айрилиб, ҳимоясиз қолади. Бу гўдакларга меҳр, парвариш ва энг асосийси, оила зарур эди. Шундай оғир дамда Норчаевлар оиласи ҳеч иккиланмай, бу болаларни ўз бағрига олади. 

Оила маслаҳатлашгач, Ислом, Умид, Аминахон ва Мубинани Ўзбекистонга олиб келади. Керакли ҳуқуқий ҳужжатлар расмийлаштирилади, васийлик масаласи ҳал этилади. 

[gallery-24695]

Ҳозирда болажонлар Норчаевлар оиласида, ота-она меҳри ва эътиборини ҳис этиб улғаймоқда. Ислом, Умид ва Аминахон мактаб ўқувчиси, Мубина эса мактабгача таълим ташкилотига қатнайди. 

Маҳалла ижтимоий ходими Отабек Менглиев оилага болаларни ижтимоий ҳимоялаш борасида тегишли ёрдам кўрсатди. “Саховат ва кўмак” жамғармаси ҳам бу эзгу ишга ўз ҳиссасини қўшди.

Бугун болалар меҳрли оила қучоғида улғаймоқда. Улар орзу қилади, кулади, билим олади, бунинг замирида эса саховатли юракларнинг жасорати ётибди.

<iframe width="560" height="315" src="https://www.youtube.com/embed/_EcpBsySkXY?si=S2uYZjdSkg_NGMKJ" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Жонибек ҚЎЗИМУРОДОВ(сурат,видео),ЎзА