Оғуфурушлар ички ишлар ходимлари экан
Бухорода икки нафар юқори унвонли ички ишлар идоралари ходими наркотик моддаларга алоқадор жиноят билан ушланди.
Бухоро вилояти ДХХ бошқармаси томонидан “Ихтиёр” ва “Фаррух” исмли наркотик сотувчилар тезкор тадбир давомида қўлга олинган.
Оғуфурушларнинг биттаси жиноят қидирув бўлинмаси бошлиғи, иккинчиси ЖҚБ катта тезкор вакили бўлиб чиқди.
Ҳолат юзасидан Ўзбекистон Республикаси ЖКнинг 25-моддаси, 273-моддаси 5-қисми билан жиноят иши қўзғатилган бўлиб, тергов ҳаракатлари олиб борилмоқда.
Зариф Комилов,
ЎзА мухбири