Навоий вилояти, Нурота туманидаги “Чуя” маҳалласи ҳудудида “FHH GARDEN FLOWER” МЧЖ томонидан 500 гектар ер майдонида умумий қиймати 2,5 миллион доллар бўлган лаванда ўсимлигини етиштириш ва қайта ишлаш лойиҳаси амалга оширилмоқда.

Икки босқичдан иборат мазкур лойиҳанинг биринчи босқичида тўғридан-тўғри 1 миллион АҚШ доллар хорижий инвестиция киритиш ҳамда 10 та доимий ва 70 та мавсумий иш ўрни яратиш кўзда тутилган бўлиб, дастлаб ер унумдорлиги оширилиб, лаванда ва наъматак кўчатлари экилади.  

Лойиҳанинг иккинчи босқичида 1,5 миллион АҚШ доллар хорижий инвестиция киритиш ҳамда 20 та доимий ва 150 та мавсумий иш ўрни яратиш режалаштирилган.

 

А.Бўриев, ЎзА