Нигердаги Ватанни ҳимоя қилиш бўйича миллий кенгаш (CNSP) раҳбари генерал Абдураҳмон Тчиани баёнот беришича, мамлакат хом нефть экспортини 2024 йил январдан бошлайди.

Ноябрда ушбу мамлакат Хитойнинг “PetroChina” компанияси ёрдамида узунлиги 2 000 километрлик нефть қувурини ишга туширди. Ушбу йўналишда энди қўшни Бенинга нефть етказиб берилади.

– Январь ойи бошидан Атлантика океанига транспортировка амалга оширилади, – деди Тчиани “RTN” миллий телевидениесига берган интервьюсида. – Нигердан илк бор хом нефть экспорт қилиш умидидамиз.

Унинг айтишича, Бенинга жўнатиладиган кунлик 90 минг баррель нефтдан Нигер 25,4 фоиз даромад олади.

Июль ойида Нигер ҳарбийлари Президент Муҳаммад Базум ҳокимиятдан четлатилгани, чегаралар ёпилгани ва комендантлик соати жорий қилингани ҳақида баёнот берган эди.