Непалда жанармай тапшылығы салдарынан жұмыс аптасы қысқартылды
Непал үкіметі мемлекеттік мекемелер мен білім беру ұйымдарында жұмыс күндерін қысқартты.
Al Jazeera мәліметінше, бұл шара Таяу Шығыстағы соғыс салдарынан туындаған энергетикалық дағдарысқа қарсы күреске бағытталған.
5 сәуір күні үкіметтің төтенше отырысы өтіп, демалыс күндерін сенбі және жексенбіге дейін ұзарту туралы шешім қабылданды.
Үкімет өкілі Сасмит Похарелдің айтуынша, қазіргі жанармаймен қамтамасыз етуге байланысты қалыптасқан күрделі жағдайды ескере отырып, мемлекеттік мекемелер мен ғылыми ұйымдар аптасына екі күн — сенбі және жексенбі күндері жабық болады.
Бұған дейін Непалда мемлекеттік қызметкерлер тек сенбі күні демалатын. Жаңа тәртіпке сәйкес, мемлекеттік мекемелер дүйсенбіден жұмаға дейін сағат 9:00-ден 17:00-ге дейін жұмыс істейді.
Үкімет бензин және дизель отынымен жүретін көліктерді электр энергиясына көшіру бойынша заңнамалық шараларды да қарастырып жатыр, алайда нақты мәліметтер әзірге жарияланбаған.
30 миллион халқы бар, теңізге шығу мүмкіндігі жоқ Непалда мұнай кен орындары немесе басқа да қазба отын көздері жоқ. Ел жанармаймен қамтамасыз етуде негізінен Үндістанға тәуелді.
