Хитойнинг Хубей провинциясидаги Янсзи дарёсида қурилган «Уч дара» тўғони дунёдаги энг катта гидроэлектр станция ҳисобланади. 2012 йилда якунланган бу иншоотнинг узунлиги 2335 метр, баландлиги 185 метр бўлиб, у 40 куб.км (38 триллион литр) сувни денгиз сатҳидан 175 метр баландликда сақлайди.

НАСА вакили доктор Бенжамин Фонг Чао бошчилигидаги мутахассислар тўғон ерга физик таъсир кўрсатганини аниқлади. Массанинг катта ҳажмда бир жойда жамланиши Ернинг айланишига таъсир қилиб, кунни 0,06 микросекундга узайтирди ва Ер ўқини 2 сантиметрга силжитди. Бу ўзгаришлар ниҳоятда кичик бўлсада, замонавий илмий ускуналар билан аниқланиши мумкин. «Уч дара» тўғони инсон қурилиши орқали сайёравий физикага таъсир қилинган кам сонли ҳолатлардан биридир.

<iframe width="560" height="315" src="https://www.youtube.com/embed/gHXGnHgESsg?si=vpo4JKwOend-tATo" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мадинабону Насриева, Анвархўжа Аҳмедов, ЎзА