Музейлар аждодлардан мерос бўлган бойликни келажак авлодга етказиб берадиган илмий, маънавий-маърифий хазина. Йиллар давомида бойиб, тўлиб бораверадиган бу хазина фақатгина маданий қадриятлар намойишигина бўлиб қолмай, узоқ тарих саҳифаларидан сўзловчи бебаҳо китоб ҳамдир.

Зеро, ҳар бир давлат тараққиёт сари одимлар экан, ҳамиша тарихга назар ташлаб, мавжуд урф-одатлар, анъаналар ҳамда қадимий ёдгорликларни ўрганишга ва сақлашга интилиши табиий. Бу борада эса музейларнинг ўрни беқиёс. Улар узоқ ўтмишдан мерос бўлиб келаётган маданият, маърифат, табиат ёдгорликларининг яхлит тизимга солинган йиғиндиси экани билан ҳам қимматлидир.

Ана шундай даргоҳлардан бири маданий ва тарихий меросининг ҳақиқий хазинаси — Темурийлар тарихи давлат музейидир. Музей 1996 йилда Амир Темурнинг 660 йиллиги шарафига очилган бўлиб, музейга ташриф буюрган томошабинлар буюк аждодларимизнинг ақл-заковати, топқирлиги ва ижодкорлигига, мард ва жасурлиги ҳамда тадбиркорлигига оид экспонатларни кўриб яна бир бор узоқ мозийга саёҳат қилгандек бўлади.

<iframe width="650" height="420" src="https://www.youtube.com/embed/Hq5FO57cplA" title="Muzeylar - o‘tmish va kelajak orasidagi ko‘prik" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳайё Турдалиева, Анвархўжа Аҳмедов, ЎзА