“Муваффақиятсиз Пасха”дан кейинги дронлар ёмғири
Москва томонидан эълон қилинган 30 соатлик “Пасха сулҳ”и тугагандан бир неча соат ўтиб, тунда бир неча вилоятга яна рус дронлари ҳужум қилди, деб ёзган BBC.
Украина ҳарбий-ҳаво кучлари Киев вилояти, шунингдек Херсон, Днепропетровск, Черкасс, Николаев ва Запорожье шаҳарлари учун рейд огоҳлантириши эълон қилди.
Россия ҳарбийлари мазкур ҳужумларга изоҳ бермади. Президент Владимир Путин эълон қилган сулҳ вақти якшанба куни Москва вақти билан ярим тунда тугади. Ҳар икки томон бир-бирини келишувни бузганликда айблади.
Урушни тугатишга интилаётган АҚШ раҳбари Дональд Трамп кеча кечқурун “Россия ва Украина шу ҳафта келишувга эришиши”ни айтиб, тўлиқ тафсилотга тўхталмади.