Фарзанд дунёга келишининг ўзи мўъжиза. Бир вақтнинг ўзида бир оилада уч нафар чақалоқ туғилиши чинакам хурсандчилик ва катта бахт.

Сирдарё вилоятининг Мирзаобод туманида яшовчи Мусурмонқул  ва  Соҳиба  Абдуқаҳорова уч эгизакнинг ота-онасига айланди.

Чақалоқларга Фотима, Юсуф, Юнус  дея исм қўйилди. Туғруқ жараёни Республика ихтисослаштирилган она ва бола саломатлиги илмий-амалий тиббиёт маркази Сирдарё филиалида маҳоратли шифокорлар назорати остида жарроҳлик амалиёти орқали, асоратсиз бажарилди.

[gallery-21991]

— Эгизакларимизнинг каттаси Фотима 2 710, ўртанчаси  Юсуф 3 100, кичиги Юнус эса  2 930 грамм. вазн билан туғилди,  —дейди неонтолог шифокор Амина Абдурасимова. —Ҳозир эгизакларнинг умумий аҳволи қониқарли. Она ва чақалоқлар малакали мутахассислар назорати остида.  

Отанинг айтишича, уларнинг аждодида қўш фарзандлар туғилиши кўп кузатилган, аммо уч эгизакнинг дунёга келиши биринчи марта учрамоқда.  

Бунгача уларнинг беш ёшли қизи, тўрт ёшли ўғил  фарзанди бор эди.  

Туман ФҲДЁ бўлими томонидан чақалоқларга гувоҳнома,  Марказ шифокорлари томонидан эса совғалар топширилди.

<iframe width="560" height="315" src="https://www.youtube.com/embed/fnquWVi8q-4?si=sP0WyWz1gDIGcuJD" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Ғулом Примов, Шаҳриёр Ортиқбоев,  (сурат,видео), ЎзА  мухбирлари