Қўқондаги III халқаро ҳунармандчилик фестивали ва Риштондаги II халқаро кулолчилик форуми воқеликларга бой ўтмоқда. Бу йил дастлабки фестиваль ва форумда иштирок этган ҳунармандлар биргалашиб кутилмаган совға тайёрладилар.

Риштон туманида бўлиб ўтаётган II халқаро кулолчилик форуми доирасида Ўзбекистон, Россия, Қирғизистон, Тожикистон ҳунармандлари ҳамкорлигида Бухоронинг “Минораи Калон” меъморий обидаси кўринишида кулолчилик маҳсулоти яратилиб, оловли катта шоу уюштирилди.

У ложувард гул шаклида бўлиб тўртта япроғи очилгач сополдан ясалган минораи калон бўй кўрсатади сўнгра унинг ичидан олов ёниб минора дарчаларидан бетакрор гўзалликка эга ёруғлик нурларини таратади. Бундай манзара фестиваль ва форум иштирокчилари учун кутилмаган совға бўлди.

Муаллиф ҳунармандлар ясаган минораи калон Риштон халқаро кулолчилик музейидан жой олади.

<iframe width="798" height="449" src="https://www.youtube.com/embed/4kZpqxOzuVA" title="“Minorai kalon” Rishtonda nur taratdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳаммаджон Обидов, Муслим Туланов (сурат, видео), ЎзА