Мемлекет басшысы жұмыс сапарымен Түркияға барады
Өзбекстан Республикасының Президенті Шавкат Мирзиёев Түркия Республикасының Президенті Режеп Тайип Ердоғанның шақыруымен БҰҰ-ның Климаттың өзгеруі туралы Негіздемелік конвенциясы тараптары конференциясының 31-сессиясы (COP31) аясындағы іс-шараларға қатысу үшін 10–11 қараша күндері Анталия қаласында болады.
Жаһандық климат саммитіне мемлекеттер мен үкіметтер басшылары, беделді халықаралық ұйымдар мен қаржы институттарының жетекшілері, сондай-ақ жоғары деңгейдегі делегациялар қатысады.
Жиынның күн тәртібіне БҰҰ-ның Климаттың өзгеруі туралы Негіздемелік конвенциясының негізгі ережелерін жүзеге асыру, қазіргі экологиялық қауіп-қатерлерге қарсы күресу, «жасыл» даму мақсаттары мен міндеттерін ілгерілету бағытында ауқымды халықаралық ынтымақтастықты дамыту мәселелері енгізілген.
Мемлекет басшысы саммиттің жалпы отырысында сөз сөйлеп, бірқатар екіжақты кездесу мен келіссөз өткізеді.
Айта кетейік, Өзбекстан БҰҰ-ның Климаттың өзгеруі туралы Негіздемелік конвенциясына 1993 жылы қосылған. Ал 2018 жылы еліміз Париж келісіміне қатысушы болды.