Ўзбекистон Ёзувчилар уюшмаси ва Қуролли Кучлар тизимидаги вазирлик ва идоралар ҳамкорлигида ҳарбий хизматчилар, ҳарбий таълим муассасалари курсантлари учун "Мард аскарга совға" рукнида китоблар чоп этилиб, тақдим этиб келинмоқда.
Куни кеча Ўзбекистон Ёзувчилар уюшмасида Миллий гвардия ҳарбий хизматчилари ва курсантлари учун "Мард аскарга совға" китобининг тақдимот маросимида иштирок этган Миллий гвардия вакиллари, ёзувчи ва шоирлар, Жамоат хавфсизлиги университети курсантлари, "Темурбеклар мактаби" ҳамда Ҳарбий мусиқа академик лицейи тингловчилари мазкур ижодий лойиҳанинг мамлакатимиз маънавий ҳаётидаги ўрни ҳақида сўз юритишди.
Нашр этилган "Мард аскарга совға" китоблари ҳарбий хизматчилар, аскарлар ва курсантларнинг доимий ҳамроҳига айланиб, уларда миллий адабиётимизга эҳтиром, она Ватанга муносиб фарзанд бўлиш туйғуларини шакллантириш билан бирга, халқимиз фаровонлиги учун курашган буюк аждодларимиз ва қаҳрамон юртдошларимизга муносиб бўлиш фазилатларини шакллантиришга хизмат қилиши билан аҳамиятли.
Тадбир сўнгида Ўзбекистон Ёзувчилар уюшмаси томонидан тайёрланган “Мард аскарга совға” номли китоблари ўз эгаларига топширилди.
<iframe width="640" height="420" src="https://www.youtube.com/embed/vPKCkTxcoXI" title=""Mard askarga sovg‘a" kitobi taqdimoti o‘tkazildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Т.Рўзиев,
Х.Абрайқулова, А.Содиқов (видео), ЎзА