Охирги йиллар мамлакатимизнинг барча ҳудудларида бўлгани каби Тошкент вилоятида ҳам камбағал фуқароларни манзилли ижтимоий ҳимоя қилиш борасида тизимли ишлар амалга оширилмоқда.

“Камбағалликдан фаровонлик сари” дастури бўйича вилоятнинг 132 нафар ҳамда 1 минг 532 нафар туман-шаҳар ташкилотлари раҳбарлари ва ўринбосарлари камбағал оилаларга бириктирилди. Хусусан, Ўрта Чирчиқ тумани ҳокими, 1-сектор раҳбари Ихтиёр Қосимов Янги турмуш маҳалласида бўлиб, ижтимоий ҳимоя миллий реестрига киритилган “Замин” кўчасидаги 3-уйда истиқомат қиладиган фуқаро Моҳира Тоғаева хонадонида бўлиб у билан суҳбатлашди.  

Бир ҳовлида уч оила яшагани, қолаверса, вақтинча ишсиз бўлгани учун ҳимоя миллий реестрига киритилган хонадон бекаси ҳозирги кунда чакана савдо ва чорвачилик билан шуғулланиб келади.  Туман раҳбари билан бўлган мулоқотда Моҳира Тоғаевага кадастр, электр энергияси ва табиий газ таъминотига уланиш бўйича мурожаатлари қаноатлантирилди. Шунингдек, чакана савдо бўйича фаолиятини янада кенгайтириш учун дўкон ўрнатиш юзасидан ҳам кўмак кўрсатиладиган бўлди.  

[gallery-19830]

Шунингдек, Ихтиёр Қосимов ушбу маҳалланинг “Ҳаёт” кўчасидаги 38-уйда яшовчи Раъно Раҳмонова ва унинг оила аъзолари билан мулоқотда бўлди. Суҳбат давомида хонадондаги мавжуд муаммоларни ҳал қилиш чоралари кўрилди. Р.Раҳмонова саримсоқпиёзни доналарга бўлиб, тозалаб беради. Бунинг учун у ҳар бир килосига буюртмачидан ҳақ олади.  

– Раъно опа бошқа оилаларга ўрнак бўлади. Бу олма пиш, оғзимга туш деганлар учун намунадир. Фаровон яшаш учун ҳаракат қилаётган мана шундай аёлларга барча шароитни яратиб беришга тайёрмиз. Албатта, бу каби саъй-ҳаракатларимиз сабаб ҳудудимизда камбағал оилалар камаяди, – деди туман ҳокими Ихтиёр Қосимов.  

<iframe width="560" height="315" src="https://www.youtube.com/embed/GggLtEHVMmY?si=ejjVVPzGgkRqow_3" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

А.Мусаев, А.Алижонов (Сурат,Видео),

ЎзА.