Куни кеча Германия сиёсий ҳаётида муҳим воқеа содир бўлди. Мамлакатнинг янги Канцлери сифатида Фридрих Мерц фаолият бошлади. Унинг сиёсий тажрибаси ва иқтисодий билими, шунингдек халқаро алоқалар бўйича илгари сурган ташаббуслари мамлакатларимиз ўртасидаги ҳамкорликни мустаҳкамлашга хизмат қилиши кутилмоқда.

Йиллар мобайнида Германия Ўзбекистоннинг муҳим иқтисодий ҳамкори бўлиб келмоқда. Фридрих Мерц бошқаруви даврида шериклик янада ривожланиши эҳтимоли юқори. Энергетика, қишлоқ хўжалиги ва инфратузилма соҳаларига ихтисослашган ГФР компаниялари давлатимизга йирик сармоя киритишга қизиқиш билдирмоқда. Бу моиявий барқарорликни таъминлаш, янги иш ўринлари яратишда муҳим аҳамиятга эга.

Германиянинг мамлактимиздаги Фавқулодда ва мухтор элчиси Манфред Хутерер таъкидлаганидек, таълим ва фан соҳасидаги алоқалар ҳам жадал мустаҳкамланмоқда. Самарали ҳамкорлик нафақат икки мамлакат тараққиёти, балки минтақавий барқарорликка ҳам ҳисса қўшади. Бир сўз билан айтганда, Ўзбекистон– Германия муносабатлари янги босқичга кўтарилиши шубҳасиз.

<iframe width="560" height="315" src="https://www.youtube.com/embed/CU7LaGR3xf0?si=G_lECnEnN_fX-Tqc" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мусулмон Зиё, ЎзА