Пойтахтимиздаги “Saxovat sport servis” спорт мажмуасида Халқаро теннис федерациясининг расмий тақвимидан ўрин олган М15 тоифасига кирувчи халқаро турнирда ёш теннисчимиз Максим Шин жуфтлик баҳсларида ғолиб бўлди.

Максим Шин италиялик шериги Лорензо Лоруссо билан биргаликда халқаро турнир финалида Ҳиндистон вакиллари Исҳақ Эқбал ва Нитин Кумар Синх дуэтига қарши баҳс олиб борди. Мазкур баҳсда Максим ва Лорензо рақибларини 6:4, 6:7, 10:6 ҳисобида таслим қилди ва бош совринга эга чиқди.

Яккалик беллашувларда ҳиндистонлик Каран Сингх ва япониялик Рента Токуда ғолиб ва совриндорлар қаторидан жой олди. Шу тариқа, бир хафта давом этган турнир ўз якунига етди.

Жавоҳир Тошхўжаев,

ЎзА