Қарши давлат университетида магистрларга диплом топшириш маросими бўлиб ўтди.

 Унда талабалар, профессор-ўқитувчилар, ота-оналар, жамоатчилик вакиллари иштирок этди.

Маълумотларга кўра, университетни жорий йилда 25 та мутахассислик бўйича 281 нафар магистр тамомлади. 70 нафарга яқини университетнинг ўзида қолиб, илмий-тадқиқот фаолиятларини давом эттиради. Улар сафида 2021-2022 ўқув йилида Президент стипендияси соҳиби бўлган психология (фаолият турлари бўйича) мутахассислиги магистри Сурайё Норқобилова ҳам бор.

– Бугун биз каби ёшларга яратилаётган имкониятлардан ҳар қанча қувонсак арзийди, – дейди Сурайё Норқобилова. – Мана шундай имкониятлардан фойдаланиб, Президент стипендиясми соҳиби бўлдим ва докторантурада ҳам ўқиш имкониятини қўлга киритдим. Ҳозирда илмий-тадқиқот ва педагогик фаолиятимни университетда қолиб давом эттирмоқчиман.

Битирувчиларга дипломлар тантанали равишда топширилди.

Ўлмас Баротов, ЎзА