Ўзбекистон Республикаси Фавқулодда вазиятлар вазирлиги Академияси, Ўзбекистон ёшлар иттифоқи Тошкент шаҳар Кенгаши ва Заковат интеллектуал клуби нодавлат нотижорат ташкилоти билан ҳамкорликда Академия курсантлари ўртасида “Заковат” интеллектуал ўйини ташкил этилди.

Ушбу интеллектуал ўйинда “Фемида”, “Бобурийлар”, “Муҳофаза”, “Қутқарувчилар”, “Ватанпарвар” ва “Темурийлар” жамоалари ўзаро беллашди. 

Қизиқарли ўтган “Заковат” интеллектуал ўйини ҳакамлар ҳайъати томонидан икки турдаги 24 та саволдан иборат шартлар бўйича адолатли баҳолаб борилди. 

Мазкур “Заковат” интеллектуал ўйинининг якуний натижаларига кўра, энг юқори балл тўплаган “Муҳофаза” жамоаси фахрли биринчи ўринни эгаллади. Фахрли иккинчи ўринни “Бобурийлар” жамоаси эгаллаган бўлса, фахрли учинчи ўрин “Қутқарувчилар” жамоасига насиб этди. 

Якунда ташкилотчилар томонидан ғолиб ва совриндорлар ҳамда фаол иштирокчилар диплом ва эсдалик совғалари билан тақдирланди. 

<iframe width="650" height="420" src="https://www.youtube.com/embed/k4lJr8rwu1Q" title="Kursantlar zakovatda bellashdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Гулноза Бобоева, Анвархўжа Аҳмедов, ЎзА