ФОТОРЕПОРТАЖ

Сурхондарё вилоятининг Бойсун туманидаги 1-умумтаълим мактабида “Адолат” СДП туман Кенгаши ва туман ҳокимлиги ҳамкорлигида “Коррупция – тараққиётга таҳдид” мавзусида тадбир ўтказилди. 

“Коррупцияга қарши кураш ойлиги” лойиҳаси доирасида ташкил этилган тадбирда партия фаоллари, туман ҳокимлиги вакиллари, маҳаллалар еттилиги ва мактаб педагоглар жамоаси иштирок этди.

Тадбирда сўз олганлар коррупцияга қарши курашда ҳалоллик – энг кучли восита эканлигини таъкидлади. Шу билан бирга, бу иллатга қарши курашда жамиятнинг ҳар бир аъзоси фаол иштирок этиши зарурлигини айтиб ўтди. 

Тадбир иштирокчилари коррупция, унинг жамиятга ва давлат ривожига қандай салбий таъсири мавжуд, коррупцияга қарши ёшларда иммунитетни шакллантириш учун нималарга эътибор бериш зарур, каби савол бўйича қизғин баҳсга киришиб, ўз муносабатини эркин баён этди.

Таъкидланганидек, коррупцияни жаҳолатнинг замонавий кўриниши бўлиб, унинг илдизи бугун тилга олинаётган дабдабабозлик, манманлик, лоқайдлик, маданиятсизлик, маърифатсизликка бориб тақалади. Маърифатни таниган инсон ҳеч қачон коррупция ботқоғига яқин бормайди. Агар бугун коррупцияга нуқта қўйилмас экан, у эртага келажак авлод онгига ҳам сингиб кетади. Унинг олдини олишда эса зиёли ва маърифатли инсонларнинг ўрни беқиёс. 

[gallery-22777]

Йиғилиш давомида иштирокчилар ўз таклиф ва мулоҳазаларини билдириб, коррупцияга қарши маърифий тадбирларни кўпайтириш, ёшлар ўртасида ҳалоллик ва қонунбузарликка муросасиз муносабатни тарғиб қилиш муҳимлигини таъкидлади.

Жонибек ҚЎЗИМУРОДОВ (сурат), ЎзА