5 февраль куни Ўзбекистон Республикаси Конституциявий судининг мажлиси бўлиб ўтди. Унда Ўзбекистон Республикаси Конституциявий судининг раиси тўғрисидаги масала кўриб чиқилди.

“Ўзбекистон Республикасининг Конституциявий суди тўғрисида”ги Ўзбекистон Республикаси Конституциявий қонунига биноан Ўзбекистон Республикаси Конституциявий суди Бахтияр Шамсутдинович Мирбабаевни ўзининг берган ёзма аризасига мувофиқ Ўзбекистон Республикаси Конституциявий судининг раиси лавозимидан озод қилди.

Мажлисда Ўзбекистон Республикаси Конституцияси 108-моддасининг учинчи қисми ва “Ўзбекистон Республикасининг Конституциявий суди тўғрисида”ги Ўзбекистон Республикаси Конституциявий қонуни 5-моддасининг тўртинчи қисмига мувофиқ Ўзбекистон Республикаси Конституциявий суди Мирза-Улуғбек Элчиевич Абдусаломовни Ўзбекистон Республикаси Конституциявий судининг Раиси этиб сайлади.

Конституциявий суд матбуот хизмати

ЎзА