Ўзбекистон Миллий кутубхонасида Республика Оила ва хотин-қизлар қўмитаси билан ҳамкорликда Мустақиллик байрамининг 34 йиллиги муносабати билан “Ватан учун, миллат учун, халқ учун” шиори остида "Китобхон оналар" куни тадбири бўлиб ўтди. Ҳар ой мунтазам равишда ўтказиб келинаётган тадбирнинг бу галги сони аёлларнинг ҳуқуқий саводхонлигига бағишланди.

Маълумки, ушбу "китобхон оналар" тадбири анъанавий тарзда уч йилдан буён ҳар ойнинг 17 санасида ўтказиб келинмоқда. Китобхон оналар тадбирини мунтазам тарзда ўтказилишидан мақсад, албатта, китоб ва китобхонликни тарғиб қилиш натижасида аҳоли, айниқса, хотин-қизлар ўртасида маънавий-маърифий муҳитни янада барқарорлаштириш, фарзандлар тарбиясида оналарнинг ролини янада ошириш, аёлларнинг таълим олиши зарурлигини ва билимли, китоб ўқиган оналар вакилаларини тарғиб этишдан иборатдир.

Бу галги тадбир Миллий гвардия билан ҳамкорликда ташкил этилиб, ҳарбий аёллар фаолияти, аёлларнинг ҳуқуқий саводхонлигини оширишнинг бугунги кундаги аҳамияти ҳақида сўз юритилди.

<iframe width="560" height="315" src="https://www.youtube.com/embed/QQQ1Qhmke-U?si=rEjymhZ11PC2gF_2" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Турдалиева, Н. Абдувоитов