Ўзбекистон Ёзувчилар уюшмаси томонидан Президент таълим муассасалари агентлиги тизимидаги мактаб кутубхоналарини жаҳон ва ўзбек бадиий асарлари билан тўлдиришга алоҳида эътибор қаратилмоқда. Уюшма томонидан ташкил этилган навбатдаги тадбирда агентлик тизимидаги ижод мактабларига адабий-бадиий китоблар тақдим этилди.
Тадбирда Ўзбекистон Ёзувчилар уюшмаси раисининг ўринбосари Ботиржон Эргашев, Президент таълим муассасалари агентлиги директорининг ўринбосари Дилшод Кенжаев, Ўзбекистон Ёзувчилар уюшмаси аъзоси Маъмура Зоҳидова ва бошқалар китобхонликни тарғиб этиш масаласи юртимизда тобора кенг қулоч ёзаётганини таъкидлади.
Ёзувчилар уюшмаси томонидан яқинда нашр этилган адабий-бадиий китоблар Президент таълим муассасалари агентлиги тизимидаги мактабларга тақдим этилди. Шуни таъкидлаш керакки, давлатимиз раҳбарининг 2021 йил 19 июлдаги “Президент, ижод ва ихтисослаштирилган мактаблар фаолиятини янада такомиллаштириш бўйича қўшимча чора-тадбирлар тўғрисида”ги қарорига асосан ишлаб чиқилган “Йўл харитаси”га мувофиқ мактаб кутубхоналарини жаҳон ва ўзбек бадиий асарлари билан бойитиш йўналишида Ёзувчилар уюшмаси тизимли ишлар олиб бормоқда.
Тадбирда Абдулла Қодирий номидаги ижод мактаби ўқувчилари томонидан адабий-бадиий театрлаштирилган дастур намойиш этилди.
Н.Усмонова, ЎзА