“Катталар” Исроилга таҳдид қилмоқда
Сўнгги бир неча кун ичида юзлаб одамлар ўлимига сабаб бўлган Ғазодаги ҳарбий ҳаракатлар туфайли Исроилга халқаро миқёсда босим кучаймоқда. Бу ҳақда CNN ёзди.
Бирлашган Қироллик, Франция ва Канада етакчилари агар Исроил ҳужумни тўхтатмаса, секторга ёрдамни тўсишда давом этса, “аниқ ҳаракат”, жумладан мақсадли санкция қўлланиши билан таҳдид қилди.
Олдинроқ яҳудий давлати аскарлари Ғазонинг шимолий ва жанубий қисмига “Гидион аравалари” номли амалиёт бошлаган. Қуруқликдаги босқин ҳудудга қарата бир неча кун давом этган кучли ҳаво ҳужумидан сўнг амалга оширилди. Соғлиқни сақлаш идоралари маълумотига кўра, шу пайтгча жуда кўп оилалар қириб ташланган.
Сўнгги бир ҳафтада анклав бўйлаб ҳаво ҳужуми тўлқинида 670 дан зиёд ХАМАС нишонига зарба берилган.