Бош вазир Марк Карни бошчилигидаги Канада Либерал партияси АҚШ Президенти Дональд Трамп мамлакатга нисбатан кескин савдо тарифи жорий қилган бир пайтда федерал сайловларда ғалаба қозонди.

CNN ёзишича, Консерватив мухолифат етакчиси Пер Поилевре мағлубиятини тан олиб, Карни озчилик ҳукуматини шакллантириш учун етарли ўрин қўлга киритганини айтди.

Собиқ марказий банкир, 60 ёшли Карни ўтган ой ҳукуматнинг собиқ бошлиғи Жастин Трюдо истеъфога чиққач, партия етакчилиги учун курашда ғолиб чиқди. Шундан буён у Трампга қарши кайфият тўлқинини кучайтиришга ҳаракат қилмоқда. Хусусан, АҚШ етакчисининг мамлакатни 51-штат сифатида қўшиб олиш ҳақидаги таҳдидига қарши жамоатчиликни бирлаштирмоқда.

– Мен Канадани заифлаштириш, бизга эгалик қилиш, давлатимизни синдиришга қаратилган ҳар қандай уринишни рад этаман, – деди Карни.

Трюдо январь ойида оғир синов, жиддий турмуш инқирози ва маҳкамасидаги ички қўзғолон туфайли истеъфога чиқишини эълон қилди. Ўшанда Поилевре ҳам сайловда ғалаба қозониш учун ҳаракатни бошлаган эди. Бинобарин, Трамп Канада маҳсулотларига қўшимча бож белгилаши, мамлакат суверенитетига таҳдид пойгасини бошлаши унга қарши референдумга айланди.

Мусулмон Зиё, ЎзА