Таълим ўқитувчи ва ўқувчиларнинг ҳамкорликдаги фаолияти бўлиб, шу жараёнда шахснинг тараққиёти, унинг маълумоти ва тарбияси ҳам амалга ошади. Дарсларда ўқитувчи ўз билими, кўникма ва малакаларини машғулотлар воситасида ўқувчиларга етказади, ўқувчилар эса уни ўзлаштириб бориши натижасида ундан фойдаланиш қобилиятига эга бўлади. Ўрганиш жараёнида ўқувчилар ўзлаштиришнинг турли кўринишларидан фойдаланишади, яъни ўзлаштирилаётган маълумотларни қабул қилиш, қайта ишлаш ҳамда амалиётга татбиқ этишда ўзига хос тафовутларга таянади. Таълим жараёнида ўқитувчи ва ўқувчиларларнинг дарс пайтидаги ҳамкорлиги, ўқувчиларнинг мустақил ишлаши, синфдан ташқари ишлар шаклида таълим ва тарбия масалалари ҳал этилади.

Таълимнинг мақсади жамият эҳтиёжига мос равишда шаклланади. Шундай экан, таълим-тарбия мақсади мос ва мутаносиб бўлиши керак. Бугун кундан кунга ривожланиб бораётган таълим соҳаси ўқитувчилардан ҳам ўзгача муносабат ва маҳоратни талаб қилмоқда. Филология фанлари номзоди, профессор Жумали Шабанов билан ўқитувчининг педагогик маҳорати, таълимдаги муаммо ва ютуқлар ҳақида суҳбатлашдик.  

Суҳбатни ўтказиб юборманг. Устоз Жумали Шабановдан ажойиб савол берилган. Саволни жавобини топганга эса ютуқ ҳам ваъда қилинган.  

<iframe width="560" height="315" src="https://www.youtube.com/embed/TWf_aMiEIVM?si=sRbcHIrYU2bJlUIh" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Турдалиева, А.Аҳмедов,ЎзА