9 май – Хотира ва қадрлаш куни муносабати билан Жануби-ғарбий махсус ҳарбий округининг Сурхондарё вилоятида жойлашган ҳарбий қисм шахсий таркиби халқимизнинг осойишта ҳаётини ҳимоя қилиш йўлида ҳалок бўлган кичик сержант Муҳиддин Эштемиров хонадонига ташриф буюрди.

Мулоқот давомида М. Эштемиров онасига мана шундай ватанпарвар ўғлонни тарбиялаб, вояга етказгани учун миннатдорлик билдирилиб, пул ва эсдалик совғалари тақдим этилди. Шунингдек, ҳарбий хизматчилар Муҳиддин таълим олган мактабда ҳам бўлиб, ўқувчи-ёшлар билан давра суҳбати ўтказди. Унда тинчлик энг бебаҳо неъмат экани, мана шундай осойишта кунларимиз ортида жасоратли Ватан ҳимоячиларининг мардонавор хизмати тургани, халқимиз ўз қаҳрамонларини асло унутмаслиги ҳақида сўз борди.

[gallery-23235]

<iframe width="650" height="420" src="https://www.youtube.com/embed/502l4ztazrk" title="Jasorat mangulikdir" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Жонибек ҚЎЗИМУРОДОВ (сурат, видео), ЎзА