Президентимизнинг 2025 йил 25 февралдаги тегишли фармонига мувофиқ Сурхондарё вилоятида 1941-1945 йиллардаги уруш ва меҳнат фронти фахрийларига иззат-икром кўрсатилиб, “Иккинчи жаҳон урушидаги ғалабанинг 80 йиллиги” эсдалик юбилей медали ва бир марталик пул мукофоти тантанали топширилмоқда.
Иккинчи жаҳон уруши йилларида Сурхондарё вилоятидан 53 минг 360 дан ортиқ мард ва жасур йигит фронтга жўнатилган. Уларнинг 11 мингдан ортиғи жанг майдонларида ҳалок бўлган. Тадбирларда қақшатқич жангу жадалларда қаҳрамонларча ҳалок бўлган юртдошларимиз хотирланиб, уруш қатнашчилари ва фронт орти меҳнат фахрийлари улуғланмоқда. “Ватан равнақи, тинчлиги ва ҳимояси йўлидаги қаҳрамонлик унутилмайди”шиори остида ташкил этилаётган тадбирларда Ватанни ҳимоя қилишнинг шарафли бурч ва буюк жасорат экани кенг намоён бўлмоқда.
Термиз шаҳрида бўлиб ўтган ана шундай тадбирлардан бирида Жануби-Ғарбий махсус ҳарбий округи қўмондонлик ҳарбий хизматчилари, вилоят ҳокимлиги, фахрийлар ва ёшлар иштирок этди.
Байрамона безатилган “Нуронийлар гузари”да бўлиб ўтган тадбирда Иккинчи жаҳон урушида фронт ортида меҳнат қилиб, фашизм устидан ғалаба қозонишга катта ҳисса қўшган отахон ва онахонлар шарафланди. Уларнинг фидокорона меҳнатлари алоҳида қайд этилиб, бугунги тинч, тўкин турмуш йўлида кўрсатган матонатлари учун чуқур миннатдорлик билдирилди. “Иккинчи жаҳон урушидаги ғалабанинг 80 йиллиги” эсдалик юбилей медали ва бир марталик пул мукофоти топширилиб, байрам дастурхони ёзилди. Қизиқарли концерт дастури намойиш этилди.
[gallery-23209]
Вилоятда “Иккинчи жаҳон урушидаги ғалабанинг 80 йиллиги” эсдалик юбилей медали ва пул мукофотларини топшириш маросимлари маҳаллаларда яшаётган фронт орти меҳнат фахрийларининг хонадонларида ҳам давом этмоқда.
<iframe width="560" height="315" src="https://www.youtube.com/embed/BZGdkpyam9M?si=2wSD_0D69Y440Fwe" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Холмўмин Маматрайимов,
ЎзА мухбири