Маҳмудхўжа Беҳбудий Туркистонда газета ва журнал ташкил этишда ҳам йўлбошчилардан бўлди, десак муболаға бўлмайди. Газета фаолияти учун зарур шароитларни яратиш мақсадида босмахона очган. “Нашриёти Беҳбудий” деб аталган бу босмахона қачон очилгани, жиҳозлари қаердан сотиб олингани ҳақида ҳозирча аниқ маълумотлар бўлмаса-да, кутубхона очган йили ишга тушган, деб тахминлаш мумкин.
Босмахонада илк бор Беҳбудийнинг туркий тилда тузган Туркистон, Бухоро, Хива харитаси, дарсликлари, қўлланмалари, “Падаркуш” драмаси ва Фитратнинг “Ҳинд сайёҳи қиссаси” русчага ўгириб чоп этилган. У бу китобларни ўз ҳисобидан нашр қилиб, тарқатган. Шунингдек, “Самарқанд” газетаси ва “Ойина” журнали ҳам шу босмахонада нашр қилинган. Нашриёт 1915 йилгача, яъни “Ойина” журнали фаолияти тўхтагунча “ишлаган”.
Газета очилиши учун 5 йил ҳаракат қилинган. Ниҳоят, 1913 йил 14 февралда Самарқанд вилояти ҳарбий губернаторига газета чоп этишга рухсат сўраб ёзилган илтимоснома инобатга олинган.
"Жадидлар — миллат қаҳрамонлари" лойиҳасининг бу галги сонида Фанлар академияси Тарих институти директорининг илмий ишлар бўйича ўринбосари Дилноза Жамолова жадид матбуотининг тарихи, фаолияти ва тугатилиш сабаблари ҳақида маълумот беради:
<iframe width="650" height="420" src="https://www.youtube.com/embed/CUydgsPs2k8" title="Jadid matbuoti: "Samarqand" gazetasi va "Oyina" jurnali" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Муҳайё Турдалиева, Анвархўжа Аҳмедов, ЎзА