Жорий йилнинг 3 июль куни Президент таълим муассасалари агентлиги тизимида янги ташкил этилган ихтисослаштирилган мактабларга кириш имтиҳонларига старт берилди.

Имтиҳонлар уч сменада: 8.00, 13.00 ва 18.00 да бўлиб ўтаяпти.

Айтиш керакки, 2022 йил 14 апрелда Ўзбекистон Республикаси Президентининг "Президент таълим муассасалари агентлиги тизимидаги ихтисослаштирилган мактаблар тармоғини кенгайтириш тўғрисида"ги фармони қабул қилинди.

Унга кўра, 193 та ихтисослаштирилган мактаб ва мактаб-интернатлар Президент таълим муассасалари агентлиги тизимида ташкил этилади. Шундан 168 таси 2022/2023 ўқув йилида ўз фаолиятини бошламоқда. Мазкур мактабларнинг 23 таси мактаб-интернатлар бўлиб, уларда ётоқхона ҳам мавжуд. Қолган 145 та мактаб ўқувчилар уйидан қатнаб ўқишлари  учун мўлжалланган.

Янги ташкил этилган ихтисослаштирилган мактабларга 2022/2023 ўқув йили учун ҳужжатлар қабули 1 июндан 30 июнгача он-лайн шаклда ariza.piima.uz сайти орқали амалга оширилди.

2022/2023 ўқув йилида Президент таълим муассасалари агентлиги тизимига ўтказилган 168 та ихтисослаштирилган мактабларнинг: 

- аниқ фанлар йўналишига 5-11-синфларга

- табиий фанлар йўналишига 7-11-синфларга қабул бўлиб ўтади.

Мазкур мактаблар ва мактаб-интернатларга синфлар кесимида бир неча фанлар бўйича имтиҳонлар бўлиб ўтмоқда.

Янги ташкил этилган ихтисослаштирилган мактабларга  ўқишга ҳужжат топширган ўқувчиларга имтиёз Президент таълим муассасалари агентлиги томонидан тасдиқланган Халқаро, минтақавий ва асосий фан олимпиадаларининг математика, физика, кимё, биология, информатика ва ахборот технологиялари фанларидан вилоят босқичларида 1-2-3 ўринни жўнатишни эгаллаган 9-10-11-синф ўқувчиларига татбиқ этилади.

[gallery-7835]

Н.Усмонова,ЎзА