Сирдарё вилояти Оила ва хотин-қизлар бошқармаси томонидан оғир турмуш шароитида яшаётган, ногиронлиги бўлган хотин-қизлар хатлови ўтказилиб, ногиронлиги бўлганларга ногиронлик аравачалари ва реабилитация воситалари топширилди.

Тадбирда вилоят ҳокими ўринбосари, Оила ва хотин-қизлар бошқармаси бошлиғи Н.Тожибоева йиғилганларни Қурбон ҳайити байрами билан табриклаб, уларга мустаҳкам соғлик, оилавий хотиржамлик тилади.  

–Мамлакатимизда ногиронлиги бўлган шахсларни ижтимоий қўллаб-қувватлаш, тўлақонли ҳаёт тарзини юритишига кўмаклашиш, уларга зарур шароитлар яратишга доимий эътибор қаратилган, – деди вилоят ҳокими ўринбосари, Оила ва хотин-қизлар бошқармаси бошлиғи Н.Тожибоева. – Бугунги тадбирда  ногиронлик аравачалари, эшитиш мосламаси, ҳасса ва  қўлтиқтаёқ, юриш мосламалари топширилди.  

Ш.Суяров, ЎзА.