Икки ўсмир колониядан ота-онаси бағрига
1 июнь - Халқаро болаларни ҳимоя қилиш куни Зангиота туманидаги 24-сонли вояга етмаганлар жазони ижро этиш колониясида тадбир бўлиб ўтди.
1 июнь - Халқаро болаларни ҳимоя қилиш куни Зангиота туманидаги 24-сонли вояга етмаганлар жазони ижро этиш колониясида тадбир бўлиб ўтди.
Вояга етмаганлар ишлари бўйича республика идоралараро комиссияси ташаббуси билан ўтказилган тадбирда жазони ўтаётганлар аҳволи ўрганилди.
Муассасанинг икки нафар тарбияланувчиси содир этган жиноятидан пушаймонлиги, тегишли хулоса чиқариб тўғри йўлга кирганлиги ҳамда ижобий тавсифланганлиги инобатга олиниб, тайинланган жазо турини муддатидан олдин енгилроғига алмаштириш ҳақида судга тақдимнома киритилди.
Суднинг бугун чиқарилган ажримига асосан ушбу тарбияланувчиларга тайинланган жазо тури енгилроғи билан алмаштирилиб, улар ота-оналари бағрига қайтди.
Суд жараёни санитария - гигиена қоидаларига тўлиқ риоя қилинган ҳолда ўтказилди.