Сербиянинг Нови-Сад шаҳрида спорт курашлари бўйича U23 ёш тоифасида ўтаётган дунё биринчилигида 44 та мамлакатдан 255 нафар полвонлар рақобатлашмоқда.

Чемпионатнинг юнон-рум кураши бўйича ўтказилган беллашувларида вазни 72 килограммгача бўлган ҳамюртимиз Аброр Отабоев кумуш медални қўлга киритган бўлса, -55 кг. вазнда Ҳожиакбар Қўчқоров шоҳсупанинг учинчи поғонасидан жой олди. Шунингдек, -60 кг. вазн тоифасида Меҳрож Баҳромов бронза медаль учун рақобатлашадиган бўлди.

Дунё биринчилигида аёллар кураши бўйича баҳсларга старт берилди. Унда қуйидаги спортчиларимиз иштирок этмоқда:

50 кг: Муштарий Толипбекова

53 кг: Дилшода Матназарова

57 кг: Улмекен Эсенбаева

59 кг: Лайлохон Собирова

62 кг: Нигина Собирова

65 кг: Муҳайё Нарзиллоева

72 кг: Севинчой Полвонова.

Жавоҳир Тошхўжаев,

ЎзА