Бугун 15 май "Халқаро оила куни" муносабати билан "Ибратли оила" кўкрак нишонига тавсия этилган намунали оилаларни ҳамда "Янги Ўзбекистоннинг ибратли оиласи" кўрик танлови Тошкент шаҳар босқичи ғолибларини тақдирлаш маросими бўлиб ўтди.

Бугунги танлов мамлакатимизда оилаларни мустаҳкамлаш, жамиятда оилавий қадриятларни тарғиб қилиш, оилаларда маънавий-ахлоқий муҳитни яхшилаш, намунали оилаларнинг ҳаётий тажрибаларини оммалаштириш мақсадида ўтказилмоқда. 

Танловда фаровон ва барқарор оилаларнинг ҳаётий тажрибаларини оммалаштириш, оилавий қадриятларни сақлаш ва ривожлантиришга муносиб ҳисса қўшган юртимиздаги 14 та ҳудуддан ибратли оилалар иштирок этишди. 

Уч босқичда ўтказилган кўрик-танловда Тошкент шаҳрининг 12 та туманидан ибратли, намунали, узоқ йиллар бирга яшаб келаётган, фарзандларини она юртга муҳаббат, Янги Ўзбекистоннинг эзгу ғояларига садоқат руҳида оилавий қадрияларимиз асосида соғлом ва баркамол этиб тарбиялаб келаётган ғолиб оилалар қатнашишди. 

Ўтказилган тадбирда "Ибратли оила" кўкрак нишонига тавсия этилган намунали оилалар ҳамда "Янги Ўзбекистоннинг ибратли оиласи" кўрик танлови Тошкент шаҳар босқичи ғолиблари Низом талаблари асосида пул мукофотлари, диплом ва қимматли совғалар билан тақдирландилар.

<iframe width="650" height="420" src="https://www.youtube.com/embed/Znq8-EFzkEU" title="“Ibratli oila” koʻkrak nishoni oʻz egalariga topshirildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Турдалиева, Н. Абдувоитов ( видео), ЎзА