Германияда теннис бўйича эркаклар ўртасидаги “Wilhelmshöhe Open – 2024” мусобақаси қизғин паллага кирди. Мусобақанинг яккалик баҳсларида мамлакатимизнинг биринчи рақамли теннисчиси Ҳумоюн Султонов чорак финалга чиқди.

Ҳумоюн яккалик баҳсларининг илк даврасида германиялик Кай Венельтни, иккинчи босқичда яна бир германиялик теннисчи Винсент Марискони мағлубиятга учратди ва чорак финалга йўл олди. Энди ушбу босқичда Ҳ.Султонов Буюк британиялик Антон Матусевич билан куч синашади.   

Маълумот учун шуни таъкидлаб ўтишимиз жоизки, Ҳумоюн Султонов, жуфтлик баҳсларида германиялик Лукас Делиано билан тандемда чорак финага қадар етиб борди. Афсуски, ушбу босқичда Антон Матусевич (Буюк Британия) ҳамда Кай Венельт (Германия) дуэтига имкониятни бой бериб қўйди.   

Жавоҳир Тошхўжаев, ЎзА