Ховослик спортчи кумуш медаль соҳиби
Италияда спортнинг кикбоксинг тури бўйича жаҳон кубоги бўлиб ўтмоқда.
Бу мусобақада Ховос тумани 1-сонли спорт мактаби ўқувчиси Сарвиноз Турсунова муваффақиятли иштирок этиб, кумуш медални қўлга киритди, дея хабар бермоқда Сирдарё вилоят спорт бошқармаси.
Сарвиноз Турсунова ўзининг чидамлилиги ва майдондаги маҳорати билан кузатувчиларни ҳайратга солди. Унинг бу ғалабаси нафақат Ховос тумани, балки бутун вилоят учун муҳим бўлди. Сарвиноз жаҳон кубогида юқори натижаларни намоён этди ва келажакда янада катта марраларга эришиш учун кучли пойдевор яратди.
Ғулом Примов,
ЎзА мухбири