Футбол бўйича Ўзбекистон Суперлигаси баҳслари 11-тур якунланганидан сўнг қисқа муддатга танаффус олганидан хабарингиз бор.

Ўзбекистон Профессионал футбол лигаси миллий чемпионатимизнинг 4-тури доирасида қолдирилган “Қизилқум” — “Хоразм” клублари учрашувини ташкил этди.  

Мазкур баҳсда “Хоразм” сафарда ўйнаган бўлса-да, Ҳумоюнмирзо Иминов, Мурод Бобожонов ва Ҳазратжон Турсунқулов урган голлар эвазига 3:0 ҳисобида “Қизилқум”ни енгди.  

Шу тариқа, ушбу жамоаларнинг ўйини 11 тага етиб, “Хоразм” 14 очко билан Суперлига жадвалининг саккизинчи ўрнига чиқиб олди. "Қизилқум" эса 11 очко билан 13-ўринга тушиб кетди.  

Маълумот ўрнида: Суперлиганинг 12-тур ўйинлари 13-15 июнь кунлари ташкил этилади. Унда қуйидаги учрашувлар бўлиб ўтади:

13 июнь:  

ОКМК – “Шўртан”,  

“Сурхон” – “Нефтчи”;

14 июнь:  

“Бунёдкор” – “Пахтакор”,  

“Қизилқум” – “Сўғдиёна”, “Насаф” – “Навбаҳор”;

15 июнь:  

“Хоразм” – “Динамо”,  

“Бухоро” – “Андижон”, “Қўқон-1912” – “Машъал”

Жавоҳир Тошхўжаев,

ЎзА