ХХР таркибида ядровий унсурлар бўлмаган водород бомбасини синовдан ўтказди. Бу ҳақда “South China Morning Post” нашри хабар тарқатган.

– Ўтган ой эълон қилинган ҳисоботга кўра, ҳеч қандай ядровий моддасиз икки килограммли бомба портлатилди, – дейилган ҳисоботда. – Натижада бир неча сонияда 1000 даражадан юқори ҳароратда оловли шар ҳосил бўлди. Бу айни ҳолатда тротил портлагандагидан 15 баробар кучли.

Таъкидланишича, Миллий кемасозлик корпорацияси 705-тадқиқот институти томонидан ишлаб чиқилган мазкур қурилмада магний гидридининг кимёвий бирикмасидан фойдаланилган.

Апрель ойи бошида ташқи ишлар вазири Ван И “РИА Новости”га берган интервьюсида Хитой ўз ядровий мудофаа стратегиясига содиқлигини билдириб, қуролланиш пойгасига киришиш ниятида эмаслигини айтган.