Президент Дональд Трaмп маъмурияти СОVID-19 тарқалишида ХХР лабораториясини айблагач, Пекин куни кеча оммага ошкор этилган пандемияга қарши жавоб тўғрисидаги баёнотда мазкур вирус, аксинча, Қўшма Штатларда яратилгани эҳтимоли ҳақида гапирди.

Оқ уй 18 апрель куни ишга туширган СОVID-19 веб-сайтида коронавирус Хитойдаги лабораториядан сизиб чиққанини таъкидларкан, собиқ Президент Жо Байден, АҚШ соғлиқни сақлаш тизими собиқ етакчи ходими Энтони Фауси ва Жаҳон соғлиқни сақлаш ташкилотини танқид қилган.

“Синьхуа” давлат ахборот агентлиги чоп этган мақолада Хитой АҚШни ушбу масалани сиёсийлаштиришда айблаган.

– Биз тегишли маълумотларни вақтида ЖССТ ва халқаро ҳамжамият билан баҳам кўрдик, – дея қўшимча қилинган ҳисоботда. – АҚШ ўзини “гунг ва кар қилиб кўрсатиш”да давом этмаслиги, аксинча халқаро ҳамжамиятнинг табиий хавотирларига жавоб бериши керак. Асосий далиллар СОVID-19 Хитойда авж олишидан олдинроқ Қўшма Штатларда юзага келган бўлиши мумкинлигини кўрсатди.

Мусулмон Зиё, ЎзА