Хитойнинг Лоян шаҳри Луолонг туманида, туристик хизматлар ва миллий анъаналарни бирлаштирган ҳолда ташкил этилган тарихий кўча ва 400 йил давомида қурилган ҳайкаллар ғори мавжуд.

Йи дарёсининг икки қирғоғида жойлашган ушбу жой 493 йилда, Шимолий Вей сулоласи императори Шихуанди Лоянни пойтахт қилган даврда қурила бошлаган. Лонгмен ғорларида 2300 дан ортиқ ғор ва ертўла мавжуд. 110 000 дан ортиқ ҳайкаллар, 2800 та тош ёзув ва битиклар бор. Ҳайкалларнинг катталиги 2 сантиметрдан 17 метрга қадар боради.

Энг машҳур Лушена ҳайкалининг бўйи 17,14 метрдан иборат. Ушбу будда ҳайкалини ўз кўзи билан кўриш учун ҳар йили 5 миллиондан ортиқ сайёҳ бу манзилга ташриф буюради.

ЎзА мухбири ҳам обуначилар учун бу манзилда бўлди ва махсус репортаж тайёрлади. Қуйидаги ҳавола орқали томоша қилишингиз мумкин.  

<iframe width="640" height="420" src="https://www.youtube.com/embed/lZqiloqSkfg" title="Haykallar g‘ori" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Нозимжон Мардонов, ЎзА