ФОТОРЕПОРТАЖ
Сирдарё туманида жойлашган ҳарбий қисмда “Ватанпарварлик ойлиги” доирасида ўқувчи-ёшларда ҳарбийликка бўлган қизиқишни ошириш мақсадида “Ҳарбий қисмда бир кун” мавзуида маънавий-маърифий тадбир ўтказилди.
“Соғлом ҳаёт учун 5000 қадам” лойиҳаси билан бошланган тадбирда Гулистон шаҳар ҳарбий прокуратураси, “Ватанпарвар” ташкилоти, Республика Маънавият ва маърифат маркази тумани бўлими вакиллари, нуронийлар, ҳарбий қисм ҳарбий хизматчилари ҳамда ўқувчи-ёшлар иштирок этди.
Ёшлар ҳарбий қисм кун тартиби, ҳарбийлар учун яратилган шарт-шароитлар, қурол-аслаҳалар, ҳарбий техникалар билан яқиндан танишди. Шунингдек, ўқувчилар иштирокида шахмат ва шашка мусобақаси ташкил этилиб, ғолибларга ҳарбий прокуратура томонидан эсдалик совғалари топширилди.
[gallery-15430]
Тадбир якунида намойиш этилган концерт дастури барчага кўтаринки кайфият бахш этди.
Шаҳриёр ОРТИҚБОЕВ (сурат), ЎзА