Ҳамширалар беллашди
Республика ихтисослаштирилган эндокринология илмий-амалий тиббиёт марказида ҳамширалар ўртасида спорт мусобақаси ўтказилди.
Президентимиз Шавкат Мирзиёевнинг 2020 йил 30 октябрдаги “Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида”ги фармони ижроси доирасида ташкил этилган мусобақада марказ ҳамшираларидан таркиб топган икки жамоа – “Омадлилар” ва “Чаққонлар” ўзаро баҳс олиб борди.
Эстафета тарзидаги беллашувларда иштирокчилар эпчиллик ва чаққонлик борасидаги маҳоратини синовдан ўтказди.
[gallery-2506]
Муросасиз кечган баҳслар якунида томонларнинг кучи тенг келиб, дўстлик ғалаба қозонди.
Мусобақанинг барча иштирокчиларига ташкилотчилар томонидан эсдалик совғалари топширилди.
Муҳаммад АМИН (суратлар), ЎзА