Бугун юртимизда хотин-қизлар IT соҳасида юксак марраларни забт этиб, дастурлаш ва киберхавфсизлик каби йўналишларда халқаро миқёсда муваффақиятга эришмоқда. Шундай иқтидорли ёш мутахассислардан бири – Азиза Неъматова.

Азиза Навоий шаҳридаги Президент мактабининг 11-синф ўқувчиси. АҚШнинг "TechGirls-2024" лойиҳаси финалчиси ва биринчи Ўрта осиёлик “Women in Tech” ғолиби. У дастурлашга 7-синфдан қизиқишни бошлаган, халқаро миқёсда ютуқларга эришган.

Азиза ўз фаолиятида Python, Data Science ва Киберхавфсизлик йўналишларига алоҳида эътибор қаратиб, "SENSORIKA" IT-марказида ўқитувчи ёрдамчиси сифатида тажриба орттирган. Шунингдек, “Girls in Research” лойиҳасида квант ҳисоблаш бўйича илмий тадқиқот олиб бориб, мақоласи халқаро журналга қабул қилинган.

Унинг IT соҳасига қўшган ҳиссаси “Navoi Tech Teens” лойиҳаси ва “IT Girls Hackathon Navoi – 2024” ташаббуслари орқали янада кенгайди. Шунингдек, Азиза АҚШнинг Boeing, Amazon, Microsoft, Oracle ва META каби йирик компанияларида амалиёт ўтаган.

<iframe width="560" height="315" src="https://www.youtube.com/embed/qC54AivO0qg?si=MSpZwg5qFueQAGkS" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Н.Раҳмонова,

ЎзА