Германиянинг Айзенхюттенштадт шаҳри ўз аҳолиси сонини кўпайтириш мақсадида одамларни кўчиб келишга ундаш учун икки ҳафталик бепул турар жой таклиф қилмоқда.
Шаҳар маҳаллий кенгашига кўра, кўчиб келишни режалаштираётганларга 14 кунлик бепул синов муддати таклиф қилинмоқда. Аризалар 2025 йилнинг июль ойигача қабул қилинади.
Покистон ва Афғонистон ўртасида қуролли тўқнашув юз берди. Ҳодиса Ҳилманд вилоятининг Баҳромча чегара ҳудудида бўлиб ўтди.
Отишма Покистонда янги чегара назорат ўтказиш пунктлари қурилиши фонида бошланган. Айни пайтда давлатлар ўртасидаги чегара барча транспорт турлари учун ёпиқ экани айтилмоқда.
Вашингтон ҳуқуқ фирмаси Сурия қамоқхонасида 63 кун сақланиб, қийноққа солинган АҚШ фуқароси сабабли мамлакатга 20 миллион доллардан ортиқ жарима солди.
АҚШнинг Округ судьяси Коллегин Коллар Котелли жабрланувчига 20,201,620 доллар миқдорида товон пули бериш ҳақида қарор чиқарган. Бу пулнинг ярми тахминан 10 миллион доллари зарарни қоплаш учун сарфланади. Қолгани эса товон сифатида белгиланган.
АҚШдаги ноқонуний муҳожир президент Дональд Трампни ўлдириш билан таҳдид қилди. У суиқасддан сўнг ўзини депортация қилишга ваъда бериб, хат юборди. Бу ҳақда ички хавфсизлик вазири Кристи Ноэмга таяниб CNN хабар берди.
Айбланувчи ҳозирда ҳибсда сақланмоқда. У 1998—2005 йиллар оралиғида АҚШга камида тўққиз марта ноқонуний кирган. Муҳожир президентнинг митингларидан бирида унинг бошига ўқ узиш билан таҳдид қилган. Тегишли хатни Иммиграция ва божхона бошқармаси ҳамда бошқа ҳуқуқ тартибот идораларига юборган.
Россия Украинадаги урушда қўллаб-қувватлагани учун Шимолий Кореяга компенсация сифатида камида битта “Панцир” ҳаво ҳужумидан мудофаа тизимини топширган Бу ҳақда 11 та давлат томонидан тузилган Халқаро санкциялар мониторинги гуруҳи ҳисоботида маълум қилинди.
Гуруҳ разведка маълумотларидан фойдаланган, ҳисобот асосан Россиянинг Шимолий Корея билан ҳамкорлигига бағишланган. Унга кўра, самолёт, вертолёт, қанотли ракета ва дронларни йўқ қилишга мўлжалланган “Панцир” тизими Шимолий Корея ҳаво мудофаа тизимини кучайтиради.
ХАМАС АҚШнинг Ғазо бўйича ўт очишни тўхтатиш ва гаровдагиларни озод қилиш таклифини рад этди.
АҚШ 29 май куни ўт очишни тўхтатиш режасига Исроил розилик билдиргани, ХАМАСдан эса жавоб кутаётганини маълум қилган эди. Исроил оммавий ахборот воситаларига кўра, яҳудий расмийлари қуйидагича келишув амалга ошиши мумкинлигини айтган: ХАМАС икки босқичда 10 нафар тирик гаровдагиларни ва 18 нафар ҳалок бўлган гаровдагиларнинг жасадини топширади. Бунинг эвазига Исроил 60 кунлик ўт очишни тўхтатади ва қамоқдаги фаластинлик маҳбусларни озод қилади.
ХАМАС расмийси бу таклиф асосий талабларни, жумладан, урушни тугатиш талабларини қондирмаслигини ва шунга яраша йўл тутишини билдирган.
<iframe width="650" height="420" src="https://www.youtube.com/embed/MQ3B_GrNM2s" title="Xalqaro dayjest" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Ирода Жўраева, Улуғбек Тўхтаев, ЎзА