“Толибон” Россиядан нефть ва газ қазиб олиш учун пул сўради.

“Афғонистон ҳукумати капиталларингиз учун хавфсизлик, шаффофлик ва узоқ муддатли имкониятни кафолатлайди”, деди Афғонистон тоғ-кон саноати ва нефть вазири Ҳидоятуллоҳ Бадрий. У Амударё, Катаваз ва Ҳилманд ҳавзаларида катта миқдордаги нефть ва газ захиралари жойлашганини айтди.

“Ушбу ресурслар нафақат Афғонистон эҳтиёжларини қондириши, балки қўшни давлатларга экспорт манбаи бўлиши, энергия хавфсизлиги ва минтақавий ривожланишни таъминлаши мумкин”, дея таъкидлади Бадрий.

Reuters фотожурналисти агентликни “Исроил тарғиботи”да айблаб, ишдан бўшади. У Facebook’ка агентликнинг йиртилган гувоҳномаси суратини жойлаштирган ва Reuters материаллари 273 журналистнинг ўлимига олиб келган жазосизлик муҳитига ҳисса қўшаётганини таъкидлаган.

Шимолий Кореяда ҳарбийлар фронтга бориш учун “навбатда тураётгани” айтилмоқда. Жанубий Корея разведкаси 100 мингдан ортиқ КХДР фуқаролари исталган вақтда урушга боришга тайёрлигини таъкидлади.

“Бу рақамлар кўплаб жараёнларни сезиларли даражада тезлаштириши мумкин”, дейди россиялик ҳарбий эксперт Андрей Клинцевич.

Фаластин ҳукумати матбуот идораси директори Исроил сектордаги олим, академик ва тадқиқотчиларни мунтазам равишда атайин нишонга олаётганини билдирган.  

“Босқинчилар 22 ой давом этган геноцид давомида нафақат инфратузилма ва муҳим обектларга ҳужум қилди, балки мунтазам равишда олимларни ўлдирди. Ғазонинг маданий элитаси йўқ қилинди. Исроил бу иши билан жамиятнинг интеллектуал ва таълим тузилмасини фалажламоқчи, ижодни қўллаб-қувватловчи элитани йўқ қилмоқчи,” деди директор.

АҚШ президенти Дональд Трамп Москванинг Украина президентининг қонунийлиги ҳақидаги фикри муҳим эмас ва Россия Украинага бостириб киришни тўхтатмаса, «иқтисодий уруш»га дуч келиши мумкинлигини айтди.  

“Ҳаммаси бемаънилик. Уларнинг ҳаммаси маълум бир позицияда. Ҳаммаси ўйин қиляпти”, — деди Трамп.

<iframe width="640" height="420" src="https://www.youtube.com/embed/pM78u1ShOMY" title="Xalqaro dayjest" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Ирода Жўраева, Улуғбек Тўхтаев (видео), ЎзА