ДХХ Самарқанд вилояти бошқармаси ҳамда вилоят ИИБ ходимлари ҳамкорлигида гиёҳвандлик воситалари савдосига қарши курашиш йўналишида навбатдаги тезкор тадбир ўтказилди.

Тадбир чоғида Иштихон туманида яшовчи фуқаролар  – 1992 йилда туғилган Ҳ.Н., 1986 йилда туғилган Э.Х. ҳамда 1997 йилда туғилган К.Б. олдиндан жиноий тил бириктириб, маҳаллий фуқарога 1 килограмм  марихуана гиёҳвандлик моддасини 50 миллион сўмга сотаётган вақтда ашёвий далиллар билан қўлга олинди.

Ҳозир ушбу шахсларга нисбатан Ўзбекистон Республикаси Жиноят кодексининг 273-моддаси 5-қисми билан жиноят иши қўзғатилиб, тергов ҳаракатлари олиб борилмоқда.

Ғ.Ҳасанов,

ЎзА мухбири