ФОТОРЕПОРТАЖ

Аввал хабар берилганидек, Президент соврини учун “Хорижий тилларни ўқитиш бўйича энг яхши мактаб” танловининг республика босқичида Наманган вилояти вакиллари – Янгиқўрғон туманидаги 10-умумтаълим мактаби жамоаси фахрли 1-ўринни қўлга киритган эди. 

[gallery-24744]

Ғолиб жамоа вилоят ҳокимлигида қабул қилинди. 

Вилоят ҳокими Шавкат Абураззоқов эришилган ютуқ билан барчани қутлаб, жамоанинг ҳар бир аъзоси эришган муваффақият ҳақида бирма-бир тўхталиб ўтди. 

Эътиборлиси, 8-9-синф ўқувчиси бўлган ушбу ёшларнинг 5 нафари аллақачон хорижий тилларни билиш бўйича IELTS сертификатини олган. Мактаб жамоаси ўтказилган жами 3 та босқичда 850 миллион сўм пул мукофотига эга бўлди ҳамда Буюк Британияга таълим саёҳати йўлланмасини қўлга киритди. 

Вилоят раҳбари мактаб жамоасига “Ташаккурнома” ҳамда эсдалик совғаларини топширди.

Таъкидлаш керак, кейинги 3 йил давомида наманганлик мактаб ўқувчилари мазкур танловнинг республика босқичида фахрли ўринларга сазовор бўлмоқда. Хусусан, 2023 йили Наманган шаҳридаги 7-мактаб ўқувчилари 1-, 2024 йилда Чортоқ туманидаги 53-мактаб ўқувчилари 2-ўринни эгаллаган эди. 

ЎзА фотомухбири

Ҳотам МАМАДАЛИЕВ олган суратлар