Германиянинг Дюссельдорф шаҳридаги кўргазмалар залида "Ўзбекистон кунлари" маърифий тадбири очилди.

Германиянинг Дюссельдорф шаҳридаги кўргазмалар залида "Ўзбекистон кунлари" маърифий тадбири очилди.

Тадбир доирасида бадиий кўргазма ҳам ташкил этилди. Унда Ўзбекистон Бадиий ижодкорлар уюшмаси аъзолари Санжар Жабборов, Нуриддин Расулов, Диёр Розиқов, Нигора Шарифхўжаева асарлари намойиш этилмоқда. Бу ўзбек мусаввирлари 2018 йилнинг ёз ойларида Германиянинг Дуйсбург шаҳрида бўлиб ўтган йирик кўргазмада ҳам иштирок этган эди.

Тасвирий санъат соҳасида икки мамлакат ижодкорларининг ҳамкорлиги тобора фаоллашмоқда. Дюссельдорфдаги Ўзбекистон кунлари доирасида ташкил этилган кўргазмада 2018 йилнинг декабрь ойида Тошкентда ўтказилган кўргазмада иштирок этган немис ижодкорларининг ишлари ҳам тақдим этилди.

Бу ерда ташриф буюрган иштирокчилар, шу жумладан, германияликлар юртимиз санъати билан яқиндан танишмоқда. Кўргазма 18 январга қадар давом этади.