Ғазода "Ал-Жазира"нинг беш ходими ҳалок бўлган
Қатарнинг "Ал-Жазира" телеканали Исроилнинг Ғазодаги ҳарбий амалиёти оқибатида ҳалок бўлган ходимлари сони беш нафарга етганини маълум қилди.
Душанба куни Ғазо шаҳридаги шифохона яқинида жойлашган журналистлар чодирига уюштирилган ҳужум натижасида телеканалнинг тўрт нафар ходими, жумладан мухбир Анас Ал-Шариф ҳаётдан кўз юмгани ҳақида хабар берган эди.
Исроил мудофаа кучлари ҳужум Фаластиннинг Ҳамас ҳаракатига ишлаганликда айбланган Ал-Жазира журналистига қаратилганини таъкидлаган.
Қурбонлар орасида яна бир мухбир Муҳаммад Крейке ва уч тасвирчи борлиги қайд этилган.
Телеканал ахборотида чодирга берилган зарба туфайли жами етти киши ҳалок бўлгани қўшимча қилинган.
С.Раҳимов, ЎзА